أرواجي المطفية من إنجلوت Inglot Matte Lipsticks

أهلا فيكم

هالفترة مره حابه أرواج إنجلوت المطفية فقررت أكتب عنها تدوينة يارب تفيدكم

Inglot Matte Lipsticks

قبل ما أبدأ معكم في درجات الأرواج حابه أوضح نقطة. دايما لما أصور أرواج في المدونة أو في انستقرام ألوانها تبان مختلفة شوي عن الواقع مع إني أحاول كثر ما أقدر انها تبان مثل ماهي. عشان كذا أنصحكم لو أعجبكم روج معين ابحثوا عنه أكثر في النت

Inglot Matte Lipstick 410

لونه دافىء ودرجته ترابي لحمي على بني

Inglot Matte Lipstick 411

لونه مميز و درجته دخاني توتي لما تزيدي اللون يكون بنفسجي غامق وفيه لمسة بني ولما تحطيه بشكل خفيف يبان توتي

Inglot Matte Lipstick 417

لونه بارد و درجته وردي روزي ينفع لكل يوم

Inglot Matte Lipstick 420

لونه بارد ودرجته وردي على موف زاهي

تجربتي

الأرواج في إنجلوت درجاتها بالأرقام النوع المطفي منها يبدأ برقم 401 إلى 426 وبين فترة و الثانية ينزلوا ألوان جديدة
تركيبة الأرواج مطفية بالكامل كأن فيها باودر و ناشفه مو كريمية فاللي ما تحب هالنوع من الأرواج ما أنصحها فيها
تحتاجي معها ترطيب مع ان الشركة توصفها انها تحتوي على فيتامين E وزيت المكاديميا و الأفوكادو لترطيب وتغذية الشفايف بس ما حسيت بأي ترطيب فيها
قبل ما أستخدم الأرواج أرطب شفايفي بمرطب شمعي غير لامع لو حابه الروج مطفي وهالخطوة مهمة مع الأرواج المطفية الناشفة وراح تسهل عليك وضع الروج بدون ما يشقق الشفايف أو مرطب لامع لو حابه شوية لمعه في الروج
ريحة الأرواج فواكه
ثباتها متوسط مو خفيف مره لدرجة يروح بسرعه بس مع الأكل و الشرب يخف اللون ويحتاج إعادة عليه
متوفرة في محلات إنجلوت (فروعه في الشرقية الظهران مول والراشد مول)
سعر الروج : 75 ريال

مع السلامة

❤❤❤